Այսօր «Ելակետ» ակումբում վրացագետ Ալիկ Էրոյանցը խոսեց Վրաստանի նախագահական ընտրությունների մասին: Ալիկ Էրոյանցի փոխանցմամբ` Վրաստանի նախագահական ընտրություններում հաղթանակած Բիձինա Իվանիշվիլու կուսակիցը ՝ Գեորգի Մարգվելաշվիլին, առաջատար է եղել հայաբնակ Ախալքալաքում ու Ախալցխայում՝ Ախալքալաքում հավաքելով ձայների 67, իսկ Ախալցխայում՝ 57%-ը:
Վրաստանի ԿԸՀ-ի տվյալներով հաղթել է Գեորգի Մարգվելաշվիլին. «Ինչ վերաբերվում է ընտրողների մասնակցությունը, ապա անցյալ տարվա խորհրդարանական ընտրությունների հետ համեմատ, այս նախագահական ընտրություններում ցածր է եղել»:
Ալիկ Էրոյանցը հավելեց, որ անկանխատեսելի է եղել այն, որ Ջավախքում այդպիսի արդյունքներ կլինեն, քանի որ «Վրացական երազանք» կուսակցությունը հատկապես վերջին տարում չի կատարել ջավախահայությանը տված խոստումները. «Ջավախահայության համար ավելի նպատակահարմար է Գեորգի Մարգվելաշվիլիի հաղթանակը, որովհետեւ վերջին տարվա վրացական իշխանության վարած քաղաքականությունը ցույց տվեց, որ ի տարբերություն Սահակաշվիլիի թուրքանպաստ քաղաքականության, նոր իշխանությունները փոխեցին ուղղությունը»,- ավելացրեց Ալիկ Էրոյանցը:
Եվա ՀԱԿՈԲՅԱՆ
