Այսօր խորհրդարանում 2014 թվականի պետական բյուջեի նախագծի ներկայացման ժամանակ վարչապետը մի քանի ուշագրավ ինքնախոստովանական հայտարարություններով հանդես եկավ: Մասնավորաբար, ասաց, որ հարկային վարչարարությունն այլեւս ուղղվելու է բացառապես ռիսկային ոլորտներին, ստվերի կրճատման հետ կապված էական նվազեցումներ կան եւ այլն:
Aravt.am-ի հարցին` ի՞նչն էր խանգարում Տիգրան Սարգսյանի կառավարությանը՝ այդ քայլերն ավելի շուտ անելուն, ՀՀ ԱԺ փոխնախագահ, ՀՀԿ մամուլի խոսնակ Էդուարդ Շարմազանովը պատասխանեց. «Որպեսզի մենք հասնենք երրորդ կանգառին, պետք է նախ առաջին եւ երկրորդ կանգառին հասնենք: Այս քաղաքականության արդյունքում, մենք դանդաղ, բայց կարողանում ենք նվազեցնել աղքատությունը, դանդաղ, բայց զարգացնել տնտեսությունը: Չեմ բացառում, վարչապետն էլ իր խոսքում նշեց, որ այս տարիների ընթացքում եղել են բարեփոխումներ կամ գործողություններ, որոնք չեն տվել այն ցանկալի արդյունքը, ինչը որ ակնկալել է նաեւ կառավարությունը»:
Նելլի ԳՐԻԳՈՐՅԱՆ
