Ինչպե՞ս կարող են նույն Մաքսային միության անդամ լինել երկու երկիր, որոնց միջեւ սահմանները փակ են, խոսքը Հայաստանի եւ Թուրքիայի մասին է: «Առավոտի» այս հարցին, ՀՀ լավագույն տնտեսագետներից մեկը, որը չցանկացավ ներկայանալ, պատասխանեց, որ Թուրքիան հանդիսանում է Եվրամիության ներսում գործող Մաքսային միության՝ Custom Union-ի անդամ, եւ նա չի կարող գտնվել միաժամանակ երկու համակարգերի՝ Եվրազեսի (ՌԴ, Ղազախստան, Բելառուս) եւ Եվրամիության մաքսային միություններում:
Որպեսզի դառնա Եվրազեսի Մաքսային միության անդամ, ինչին միանալու հայտ է ներկայացրել նաեւ ՀՀ նախագահը, Թուրքիան նախ պետք է դուրս գա Եվրամիության մաքսային միությունից, ինչը նա չի անի, կամ շատ քիչ է հավանական, որ կանի:
Սակայն մեր զրուցակիցը նշեց, որ ամենայն հավանականությամբ, Մինսկում Ղազախստանի նախագահ Նորսուլթան Նազարբաեւի խոսքը ճիշտ չի հասկացվել՝ Թուրքիան ոչ թե ուզում է Եվրազեսի ՄՄ մտնել, այլ՝ խոսքը գնում է ազատ առեւտրի համաձայնագրի մասին՝ Թուրքիայի եւ Եվրազեսի ՄՄ-ի հետ: Այդ դեպքում էլ ոչ թե Թուրքիան է որպես միավոր Ազատ առեւտրի համաձայնագիր կնքելու Եվրազեսի հետ, այլ՝ ԵՄ-ի մաքսային միությունը՝ Եվրազեսի ՄՄ-ի հետ:
Ըստ մեր զրուցակցի՝ նույն բանի մասին կարող էր խոսք գնալ նաեւ Հնդկաստանի պարագայում. «Եվրազեսի Մաքսային միությունը որպես կառույց կարող է բազմաթիվ երկրների կամ միությունների հետ կնքել ազատ առեւտրի մասին համաձայնագրեր»:
Կարդացեք նաև
Այդուհանդերձ, եթե տեսականորեն ենթադրենք, որ Թուրքիան դուրս է գալիս ԵՄ-ի մաքսային միությունից եւ մտնում Եվրազեսի ՄՄ, որի մեջ մտած կլինի նաեւ Հայաստանը: Այդ պարագայում՝ փակ սահմանները խոչընդոտ չե՞ն լինի: Մեր այս հարցին մեր զրուցակիցը պատասխանեց, որ եթե նման բան լինի, ապա սահմանները պետք է բացվեն. «Խոսքը չի վերաբերվում քաղաքական սահմանին երկու երկների միջեւ, խոսքը վերաբերվում է առեւտրային սահմաններին»:
Մելանյա ԲԱՐՍԵՂՅԱՆ
Ամենակարևորը, Թուրքիայում, ի տարբերություն Հայաստանի, ոչ մի քիչ թե շատ ազդեցիկ քաղաքական ուժ այնքան էժանագին չի կարող գտնվել, որ Մաքսային միությանն անդամակցելու հարցը մտցնի օրակարգ:
Ամենակարևորը, Թուրքիայում, ի տարբերություն Հայաստանի, ոչ մի քիչ թե շատ գիտակից քաղաքացի այնքան էժանագին չի կարող գտնվել, որ նման համեմատություններ անի…
նկարի մեջի փշալալերը ցնցեղ են…
մի երկու հատ էլ գերմանական կոնցլագերներից նկարներ դնեիք ավելի պատկերավոր լինելու համար, թե ով է Պուտինը ու ինչ ստոր երկրներ են Մաքսային միության անդամներնը:
Պրիմիտիվ է… նույնիսկ կասեի – ՎՈՒԼԳԱՐ
Ճիշտ չեք մեկնաբանում լուսանկարը: Նկարը խորհրդանշում է Հայաստանի եւ Թուրքիայի միջեւ փակ սահմանները, ինչի վերաբերյալ էլ հոդվածն է: Սակայն, Մաքսային միության եւ Պուտինի վերաբերյալ Ձեր ասածներին ի պատասխան կարող եմ միայն ասել՝ դուք ասացիք… 🙂