Ամերիկացի ֆանատներն ամենաբարձրաձայնն են աշխարհում:
Ամերիկյան ֆուտբոլի «Կանզաս-Սիթի Չիֆս» ակումբի երկրպագուները ստադիոնում ձայնի բարձրության ռեկորդ են սահմանել: Դա տեղի է ունեցել Ֆուտբոլի ազգային լիգայի «Օքլենդ Ռեյդերս» թիմի հետ հանդիպման ժամանակ, երբ սարքերը ստադիոնում գրանցել են աղմուկի 137,5 դեցիբել մակարդակ: Համեմատության համար մասնագետները նշում են, որ 140 դեցիբելը հավասարազոր է օդ բարձրացող ռեակտիվ ինքնաթիռի արձակած ձայնին:
Հանդիպումից հետո «Կանզաս-Սիթիի» մարզիչ Էնդի Ռեյդը նշել է, որ իր սաներն աղմուկի պատճառով չէին կարողանում շփվել միմյանց հետ, իսկ ստադիոնի ընդերքն իր ոտքերի տակ ցնցվում էր:
Աշոտ ՀԱԿՈԲՅԱՆ
