ԱԻՆ-ից տեղեկացնում են՝ հոկտեմբերի 27-ին, ժամը 14.43-ին ահազանգ է ստացվել, որ Երևանի Թբիլիսյան խճուղում՝ «Հոնդայի» ավտոսերվիզի մոտակայքում, տեղի է ունեցել ՃՏՊ. կան տուժածներ: Դեպքի վայր է մեկնել մեկ մարտական հաշվարկ:
Պարզվել է, որ Թբիլիսյան խճուղու թիվ 20 շենքի մոտակայքում բախվել են «Միցուբիշի» մակնիշի 34SM766 պետհամարանիշով ավտոմեքենան (վարորդ՝ Բ. Բ.) և Աբովյան-Երևան երթուղու 259 համարի «Բոգդան» մակնիշի 3318L պետհամարանիշով մարդատար ավտոբուսը (վարորդ՝ Հ. Մ.):
Մինչ հրշեջ-փրկարարների կանչի վայր հասնելը՝ «Միցուբիշի»-ի վարորդը և ուղևորներ՝ Է. Զ.-ը (ծնվ.1983թ), Հ. Բ.-ը (ծնվ.1985թ.), Գ. Ս.-ը (ծնվ.1956թ.) հոսպիտալացվել են «Սբ. Գրիգոր Լուսավորիչ» ԲԿ, որտեղ տուժածների վիճակը գնահատվել է բավարար:
Հրշեջ-փրկարարներն իրականացրել են հովացման աշխատանքներ:
