«Այդ ժուլիկ-մուլիկները, երբ որ հայրենիքի ազատագրման համար պայքարում էին և բանտերում էին ժամանակ անցկացրել 88-ին, թե 2007-ին, 2008, 2009 թվականներին, ո՞ւր էր պարոն Մանուկյանը: Ես սովոր չեմ նման տերմինաբանություն լսել, եթե նա այդպիսի բառեր է օգտագործել, ես անձամբ իմ տեսակետը կհայտնեմ նրան ու կասեմ՝ ի՞նչ եմ մտածում նման անդաստիարակ արտահայտության մասին»,- այսօր ՀՀՇ համագումարի ժամանակ լրագրողներին ասաց վերակազմավորվող ՀՀՇ-ի հիմնադիր անդամ Ալեքսանդր Արզումանյանը՝ մեկնաբանելով ԱԺ ՀԱԿ խմբակցության պատգամավոր Արամ Մանուկյանի ավելի վաղ Henaran.am-ին հայտնած տեսակետը, թե ՀՀՇ-ի համագումարը մի երկու «ժուլիկի» համագումար է:
Ինչ վերաբերում է ՀՀՇ-ին, հարցին, թե արդյոք հաջողություն կունենա նորաստեղծ կուսակցությունը, Արզումանյանն ասաց. «Ես իմ առջև ինչ նպատակ դրել եմ, հասել եմ»:
Արփինե ՍԻՄՈՆՅԱՆ
