ՀՀԿ խմբակցության ղեկավար Գալուստ Սահակյանը հաճախ սուր արտահայտություններ է անում իր ընդդիմադիր գործընկերների, հատկապես՝ «Ժառանգության» պատգամավոր Զարուհի Փոստանջյանի հասցեին: Այսօր նա խորհրդարանական ճեպազրույցի ժամանակ Զարուհի Փոստանջյանին ասել է՝ «Դժվար է գործ ունենալ վիրավոր ու բութ հավատացյալի հետ»:
Ավելի վաղ նա Զարուհի Փոստանջյանին համեմատել էր մայրուղու վրա կանգնող կնոջ հետ՝ ասելով, որ ԱԺ-ն մայրուղի չի, որ մեքենա կանգնեցնեն, ու մեքենաները չկանգնեն՝ դրանից նեղանան»:
Հիմա հատկապես, երբ ԱԺ պետա-իրավական հարցերի մշտական հանձնաժողովը քննարկում է «Պատգամավորի վարքագծի կանոնները», Գալուստ Սահակյանի այս եւ նման արտահայտությունների հետ կապված, մենք զրուցեցինք ԱԺ փոխնախագահ Հերմինե Նաղդալյանի հետ: Նրա խոսքերով՝ «Սուր արտահայտություններ անելը վիրավորանք չի, գիտե՞ք: Սուր արտահայտություններ կարող են լինել բազմաթիվ մեծ գործիչների ցիտատների մեջ, որոնք գրքերում գրվում են եւ այլն: Գալուստ Սահակյանը երբեք նախահարձակ չի լինի: Ես չեմ ողջունում որեւէ մեկին վիրավորելու վարքագիծը»:
Մեր հարցին՝ ՀՀԿ-ն պատրա՞ստ է իր խմբակցության ղեկավարին պատժել նման արտահայտությունների համար՝ Հերմինե Նաղդալյանը պատասխանեց. «Նախ առաջինը, վիրավորանք է դա, թե ոչ, պիտի դեռ որակես: Եթե դուք չեք արել որեւէ բան, որը արժանի է ձեզ վիրավորելու, վստահաբար կարող եմ ասել, որ Գալուստ Սահակյանը ձեզ չի վիրավորի երբեք»:
Կարդացեք նաև
Մեր հարցին՝ այսինքն, եթե ընդդիմադիրի որեւէ քայլին , ասածին ի պատասխան է վիրավորում՝ ընդունելի՞ է՝ նա պատասխանեց. «Նա նույնիսկ պատասխանի արժանի 10 դեպքից 9-ին չի պատասխանում, այ էն մեկի մասին չեմ կարող ասել»:
Հռիփսիմե ՋԵԲԵՋՅԱՆ
Ահա և այսօրվա,,Հայ,, կնոջ պատկերը, որը գալուստ սահակյանի հետ մեկ տեղ կարող են ըստ իրենց
բարոյական նորմերին համապատասխան՝ ցանկացած լկտի արտահայտություն որակավորել որպես
նորմալ երևույթ:
Ինձ թվում է շատ ավելի ոչ կոռեկտ էր /մեղմ ասած/ Զարուհի Փոստանջյանի պահվածքը ԵխԽՎ-ում՝ սեփական երկրի նախագահին ի ցույց աշխարհի անպատվելիս, այնպես որ Գալուստ Սահակյանի և մնացածի պատասխանները դրա մոտ, ինչպես ասում են, ընդամենը ծաղիկներ են…: Այստեղ իսկապես շատ ավելի մտածելու տեղիք է տալիս Փոստանջյանի բարոյական նկարագիրը…: Հուսով եմ այս կարծիքս կայքը ևս կհրապարակի՝ տուրք տալով բազմակարծության ապահովմանը…:
Թե Azat- ը ինչ ազգակցական կապ ունի՝ Ազատիչի հետ, դժվար է ասել, բայց որ նույն բարոյական
նորմերից են սնվում՝ փաստ է, որոնց համար բնականաբար Փոստանջյանի բարոյական նորմերը սրանց խելքի բանը չէ: