Քայքայիչ աղանդներից տուժածների օգնության եւ վերականգնողական կենտրոնի տնօրեն Ալեքսանդր Ամարյանը, այսօր «Արմատ» ակումբում ներկայացնելով փաստեր Հայաստանում վաճառված հողատարածքների վերաբերյալ, որոնց գնորդը արտասահմանյան կառույցներն են` սեփականատերը`Հայ ավետարանչական ընկերակցությունը, եւ որի ամբողջ գույքը պատկանում է ԱՄՆ-ում գրանցված հայ ավետարանչական ընկերակցությանը, նշեց`«Այդպիսի տարածքներ կան Հայաստանի տարբեր մարզերում, օրինակ`Գյումրիի կենտրոնում, Վանաձորում, Երեւանում»:
Ալեքսանդր Ամարյանի խոսքով`Ամերիկայի Հայ ավետարանչական եկեղեցին համարվում է աղանդ` «Այն կրոնական կառույցը, որն իր գործունեության մեջ շեղում ունի ավանդական եկեղեցուց, կոչվում է աղանդ»:
Ալեքսանդր Ամարյանը նաեւ նշեց, որ կա աղանդ եւ քայքայիչ աղանդ հասկացությունը. «Հայ ավետարանչական եկեղեցին անձամբ ինքը համարում է քայքայիչ աղանդ»:
Եվա ՀԱԿՈԲՅԱՆ
