Aravot.am-ին հայտնի դարձավ, որ Լոնդոնի օլիմպիական խաղերի բրոնզե մեդալակիր, +75 կգ քաշային ծանրորդ Հռիփսիմե Խուրշուդյանը, որ այս տարի մայր է դարձել, սկսել է թեթեւ մարզվել:
Հռիփսիմեն օլիմպիական խաղերից հետո հայտարարել էր, որ պատրաստվում է ամուսնանալ եւ մայր դառնալ: Սակայն խոստացել էր նաեւ, որ մեկ-մեկուկես տարի հետո կվերադառնա մեծ սպորտ եւ նոր նվաճումներով կուրախացնի իր բազմահազար երկրպագուներին:
Մեր տեղեկություններով, սիրված մարզուհին դեռ պետք է վերականգնողական գործընթաց անցնի, որից հետո աստիճանաբար կմեծացնի մարզումային ծանրաբեռնվածությունը: Ամենայն հավանականությամբ, Հռիփսիմեն կնախապատրաստվի ու կմասնակցի աշխարհի հաջորդ տարվա առաջնությանը, որը վարկանիշային է 2016 թվականի ամառային օլիմպիական խաղերի համար:
Աշոտ ՀԱԿՈԲՅԱՆ
