Այսօր «Հայացք» ակումբում ԱԺ պատգամավոր, «Ջավախք» հայրենակցական միության նախագահ Շիրակ Թորոսյանն անդրադառնալով Վրաստանի նախագահական ընտրություններին, մասնավորապես նրան, թե ինչ կփոխվի հայ-վրացական հարաբերություններում այդ ընտրություններից հետո, ասաց. «Հայ-վրացական հարաբերությունները կարող են բարձրանալ նոր որակի, կարող են ձեռք բերել նոր մակարդակ»:
Շիրակ Թորոսյանի խոսքով`հայ համայնքը Վրաստանի լիարժեք քաղաքացի է, Վրաստանի հարկատու, ունի իրավունքներ եւ դրանցից ելնելով՝ հարգանք պահանջելու իրավունք. «Վրաստանում հայությունը մի քիչ նվազել է, բայց յոթից տասը տոկոս հայությունը կարող է գործոն լինել Վրաստանի նախագահական ընտրությունների ժամանակ, եւ ցանկացած իշխանություն պարտավոր է հարգել ազգային փոքրամասնություններին»:
Եվա ՀԱԿՈԲՅԱՆ
