«Ադրբեջանում ընտրություններն անցել են խայտառակ, բայց իրականում դա ժողովրդի պարտությունն էր: Տպավորություն կա, թե ամեն ինչ հանդարտ է, բայց ժողովուրդը դժգոհ է: Իլհամ Ալիեւը ստիպված կլինի նույն քաղաքականությանը դիմել եւ ժողովրդին պահել վախի եւ լարվածության մեջ, նույնը նաեւ հայ-ադրբեջանական հարաբերությունների հետ կապված կլինի»,- այսօր «Ելակետ» ակումբում ասաց Ադրբեջանահայերի ասամբլեայի նախագահ Գրիգորի Այվազյանը:
Ըստ նրա`լոկալ բախումները կարող են վերաճել պատերազմական գործողությունների վերսկսման:
Գրիգորի Այվազյանի խոսքով` Իլհամ Ալիեւը զոհաբերեց Ադրբեջանի պաշտպանության նախարարին. «Ինձ մոտ մեծ ափսոսանք առաջացրեց, որ Սաֆար Աբիեւը ազատվեց այդ պաշտոնից: Նոր նախարարն իրեն ավելի ագրեսիվ կպահի հայերի նկատմամբ, որ արդարացնի տիրոջ` Իլհամ Ալիեւի կամքը»:
Գրիգորի Այվազյանը նաեւ նշեց, որ Իլհամ Ալիեւը դեմքով շրջվում է դեպի պատերազմ:
Կարդացեք նաև
Նրա ձևակերպմամբ` Ադրբեջանի հին ՊՆ նախարարը ավելի շատ հարսանիքային գեներալ էր, եւ զսպաշապիկի դեր էր կատարում, իսկ Սաֆար Աբիեւի պարագայում այդպես չէ. «Նախարարի փոփոխությունը տեղավորվում է հետընտրական պրոցեսների մեջ: Նշեմ նաեւ, որ ադրբեջանահայերի հայ համայնքը չի ճանաչում այդ ընտրությունները»:
Եվա ՀԱԿՈԲՅԱՆ
