Պատգամավոր Խաչատուր Քոքոբելյանը այսօր Ազգային ժողով-կառավարություն հարցուպատասխանի ժամանակ հետաքրքրվեց նոր հսկիչ դրամարկղային մեքենաներով, որոնք, ինչպես հայտնի է, ձեռնարկություններն ու ընկերությունները պարտադիր կարգով պետք է ձեռք բերեն, եւ որոնք բավականին թանկ արժեն:
ՀՀ վարչապետ Տիգրան Սարգսյանը բացատրեց, որ այդ ՀԴՄ-ները թանկ են, քանի որ բազմաֆունկցիոնալ են, եւ դրանց միջոցով ձեռնարկությունները օնլայն կապ են հաստատելու կենտրոնական սերվերի հետ, իսկ նախկին ՀԴՄ-ները նման հնարավորություններ չունեին: Միասնական համակարգին միանալու միջոց հանդիսացող այդ բազմաֆունկցիոնալ ՀԴՄ-ները, ըստ վարչապետի, թանկ են, բայց դրանց ներդրման առաջին փուլում՝ մինչեւ նոյեմբերի 1-ը, դրանց հիմնական սպառողները լինելու են խոշոր ձեռնարկությունները, որից հետո կառաջանան խնայողություններ, եւ ՓՄՁ բիզնեսի համար, որոնք 2014-ի հուլիսի 1-ից պիտի անցնեն նոր ՀԴՄ-ներին, դրանք արդեն ավելի էժան կլինեն:
Ինչ վերաբերում է նրան, թե հնարավոր չէ՞ ավելի էժան ներկրել այդ սարքավորումները, վարչապետն ասաց, որ կարող են այլ ընկերություններն էլ մասնակցել, եւ եթե իրենց սահմանած չափանիշներին համապատասխան ՀԴՄ-ներ լինեն, կարող են ներկրել եւ իրացնել մասնավոր հատվածի համար:
Կարդացեք նաև
Մելանյա ԲԱՐՍԵՂՅԱՆ
