«Նաիրիտ» գործարանում գոյություն ունեցող խնդիրները մնում են չլուծված: Հիշեցնենք, որ «Նաիրիտ»-ի ավելի քան 2000 աշխատակիցներ հարկադիր պարապուրդում են, նրանց վճարվում է ամսական աշխատավարձի երկու երրորդը: Աշխատավարձերի հետ կապված «Նաիրիտ»-ի պարտքը կազմում է մոտ 10 միլիոն դոլար:
Նշենք նաև, որ «Նաիրիտ»-ի արհմիության ղեկավար Հրաչյա Թադևոսյանը մեկ ամիս առաջ կարծիք էր հայտնել, թե գործարանի հարցը մինչև տարեվերջ կհանգուցալուծվի:
Aravot.am-ի հետ զրույցում «Նաիրիտ» գործարանի գլխավոր տնօրենի արտադրական հարցերով առաջին տեղակալ Ռուբեն Սաղաթելյանն այս մասին հստակ կարծիք չհայտնեց ու նշեց. «Նաիրիտում» շարունակում է տիրել նույն իրավիճակը: Մինչև չորոշվի գործարանի կարգավիճակի հարցը, ոչ մի բան չի փոխվի: Հիմա նույնն է, աշխատակիցները ամիս ու կեսը մեկ, մեկ աշխատավարձ են ստանալու»:
Պարոն Սաղաթելյանը շեշտեց նաև, որ գործարանի աշխատակիցների պահանջը մեկն է, որ «Նաիրիտը» աշխատի:
Տաթև ՀԱՐՈՒԹՅՈՒՆՅԱՆ
Նաիրիտ Գործարան ՓԲԸ չունի գործադիր տնօրեն: Նաիրիտի գլխավոր տնօրենը Հովիկ Հախինյանն է, իսկ Ռուբեն Սաղաթելյանը` գլխավոր տնօրենի արտադրական հարցերով առաջին տեղակալը:
Շնորհակալություն: Ուղղումն արված է: