«Գուցե մերոնք սպասում են, որ այստեղ ոչինչ չի ստացվի: Մեր, սեպտեմբերի երեքի հայտարարությունը հիասթափեցնող էր, այն բարձրացրեց Եվրոպայից եկող բացասական ալիքը: Բայց ավելի լավ կլիներ մերժել Ռուսաստանի ցանկությունները, որովհետեւ, եթե այդպիսի կտրուկ շրջադարձ արեցին, ապա հարկավոր է մեղմել բացասական ալիքը»,- այսօր «Տեսակետ» ակումբում ասաց քաղաքագետ Ստեփան Գրիգորյանը:
Քաղաքագետի մեկնաբանմամբ`այն մարդիկ ովքեր աջակցում էին Հայաստանին, ասելով, թե օրինակ՝ Ղարաբաղի հարցում պետք է Հայաստանի հետ լինեն` այսօր ծանր վիճակում են. «Եվրոպական պառլամենտում պրո-ադրբեջանական գիծը Ղարաբաղի հարցում կուժեղանա»:
Ստեփան Գրիգորյանը նաեւ ասաց, որ Ասոցացման համաձայնագրում ոչ մի բառ չկար Հայաստանի անվտանգության, ռազմաքաղաքական աջակցության մասին. «Հայաստանի փաստաթղթում նման բան չկար ու «եւ-եւ»-ի քաղաքականությունը այնտեղ աշխատում էր, եւ քանի որ մենք հրաժարվեցինք նրանից, ու եթե գնում ենք Մաքսային միություն` նշանակում է մենք հրաժարվում ենք «եւ-եւ»-ի քաղաքականությունից»:
Ստեփան Գրիգորյանի հավաստմամբ` մենք այսօր չունենք ավելի անվտանգ իրավիճակ` քան նախկինում էր, որովհետեւ, եթե պետության ամբողջ փաթեթը վստահում ես ուրիշին, դա ավելի վտանգավոր է:
Եվա ՀԱԿՈԲՅԱՆ
