Այսօր քաղաքագետ Ստեփան Գրիգորյանը «Տեսակետ» ակումբում անդրադառնալով Եվրոպական եւ Մաքսային միություններին՝ ասաց. «Մենք Եվրամիության հետ պլանավորում էինք ստորագրել ազատ առեւտրի գոտու ստեղծման պայմանագիրը, իսկ հիմա պլանավորում ենք ստորագրել անազատ առեւտրի գոտու պայմանագիրը: Մաքսային միությունը ոչ մի բան մեզ չի տա ու ակնհայտ բացասական էլեմենտներ կան՝ կապված այս շարժման հետ»:
Ըստ Ստեփան Գրիգորյանի` մեր համակարգերը չեն համընկնում Մաքսային միության հետ, մեր ակնկալիքները չեն իրականանա, իսկ գազի գնի հետ կապված մեր սպասելիքները, թե գազի գինը չի ավելանալու` այդպես չի լինի, ավելին` գնի էժանացում մեզ համար նույնպես չի սպասվում. «Սա պաշտոնական դիրքորոշում է, Ռուսաստանը գազի գինը բարձրացնելու է: Եվ ոչ թե նրա համար, որ Ռուսաստանը չի սիրում մեզ, այլ դա նրանց որոշելիքն է»:
Եվա ՀԱԿՈԲՅԱՆ
