Ծանր եւ հանկարծահաս հիվանդությունը մեզնից խլեց մեր սիրելի ընկերուհուն, մեր ժպտերես ու թանկագին Ժենյային: Տաս տարի շարունակ՝ մինչեւ 2005 թվականը, նա «Առավոտի» թիմի լավագույն անդամներից էր, եւ ի տարբերություն մյուս լավագույնների՝ նրա անունը չէր երեւում, նրա անունը հայտնի չէր դառնում հասարակությանը, որովհետեւ նա գրում էր առաջնորդողները: Գենոֆյա Մարտիրոսյանը խմբագրել եւ գլխավորել է մի քանի լրատվամիջոցներ, նա ոչ միայն հրաշալի լրագրող էր, այլեւ անփոխարինելի ընկեր, հոյակապ անձնավորություն:
Դավադիր հիվանդությունը շատ անսպասելի խցկվեց Ժենյայի կյանքը եւ շատ անսպասելի խլեց այն, ինչը դեռ կարելի էր փրկել: Ընկերները ու հարազատները, նրան թեկուզ հպանցիկ ճանաչողները արդեն ոտուձեռ ընկած փորձում էին օգնել, որպեսզի նա բուժում ստանա արտասահմանում: Մոտ օրերս նախատեսվում էր բարեգործական համերգ՝ Ժենյայի համար: Բայց նա չսպասեց…
Ցավալի ու անդառնալի է մեր կորուստը:
Հանգչիր խաղաղությամբ, մեր լուսավոր ու պայծառ Ժենյա…
«Առավոտի» խմբագրությունը խորը կսկիծով ցավակցում է Ժենյայի որդիներին եւ սիրելիներին, հարազատներին եւ ընկերներին՝ նման անդառնալի կորուստի համար:
«Առավոտ»
ԱՓՍՈՍՈՒՄ ԵՒ ՑԱՎԱԿՑՈՒՄ ԵՄ
Սգում եմ ձեզ հետ միասին:Լավերն ավելի շուտ են գնում,նրանք պետք են Տիրոջը՝ վերևում…
Ինչքան լավ խոսքեր ասվեն Ժենիայի հասցեին էլի քիչ կլինի, բառերով հնարավոր չէ նկարագրել, թե որքան արտակարգ մարդ էր նա: Ինձ երջանիկ մարդ եմ համարում, որ բախտ և պատիվ եմ ունեցել աշխատել նրա հետ: Իսկ հիմա անասելի ցավ եմ զգում……