Ինչպես արդեն տեղեկացրել ենք, «Ժառանգություն» խմբակցության ղեկավար Ռուբեն Հակոբյանը երեկ երեկոյան հայտարարել էր, որ հրաժարվում է «Ժառանգություն» խորհրդարանական խմբակցության ղեկավարի պաշտոնից:
Այսօր Aravot.am-ը փորձեց մեկնաբանություններ ստանալ պարոն Հակոբյանից եւ խմբակցության մյուս անդամներից: Ռուբեն Հակոբյանը, սակայն, դեռեւս չի եկել խորհրդարան: Դեռ խորհրդարանում չէ նաեւ խմբակցության քարտուղար Զարուհի Փոստանջյանը, փոխարենը խորհրդարանում է «Ժառանգություն» կուսակցության վարչության անդամ Արմեն Մարտիրոսյանը, ով մեզ հետ զրույցում ասաց, որ անտեղյակ է պարոն Հակոբյանի հրաժարականի պատճառներից, այդ մասին տեղեկացել է մամուլից, այդ իսկ պատճառով էլ եկել է խորհրդարան՝ հարցի էությունը պարզաբանելու:
«Ժառանգություն» խմբակցության մյուս անդամը՝ Թեւան Պողոսյանը, եւս անտեղյակ էր, ուստի որեւէ մեկնաբանություն չարեց:
Այս պահին Արմեն Մարտիրոսյանն ու Թեւան Պողոսյանը խմբակցության սենյակում սպասում են Ռուբեն Հակոբյանին եւ Զարուհի Փոստանջյանին:
Կարդացեք նաև
Նելլի ԳՐԻԳՈՐՅԱՆ
P.S Զարուհի Փոստանջյանն արդեն եկավ: Խմբակցության սենյակում նրանք քննարկում են հարցը:
