Հատված «Ժառանգություն» կուսակցության անդամ Արմեն Մարտիրոսյանի հետ հարցազրույցից
– Պարոն Մարտիրոսյան, Դուք կարծում եք, որ Դավիթ Հարությունյանը ժողովրդավա՞ր անձնավորություն է, և նրա յուրաքանչյուր քայլ բխում է երկրի ոգո՞ւց։
– Ես կարծում եմ, որ Դավիթ Հարությունյանը մինչև հիմա այնպիսի քայլեր է իրականացնում, որոնք չեն համապատասխանում մեր պետականության ճշմարիտ ընթացքին։
– Մի՛ ուրացեք Ձեր «եղբորը», պարո՜ն Մարտիրոսյան, մի՛ ուրացեք, նա ձեր կուստիկնոջը միջազգային ասպարեզներում դրսևորվելու ժողովրդավարական հնարավորություն, հարցի իրավունք է տվել, պարո՜ն Մարտիրոսյան։
Կարդացեք նաև
– Ժողովրդավարությունից դրդված՝ Դավիթ Հարությունյանը պետք է օժանդակեր, որպեսզի ընտրական օրենսգրքում բովանդակային փոփոխություններ իրականացվեին։
– Դուք այդ մասին ասե՞լ եք տիկին Զարուհուն, որ Դավիթ Հարությունյանին համապատասխան պահանջ ներկայացնի։
– Ես և Հովսեփ Խուրշուդյանը մշտապես այս հարցը բարձրացրել ենք, այնպես որ, այս հարցում Զարուհուն եկեք թողնենք հանգիստ։
– Ինչո՞ւ, վախենում եք Խաչիկ Ասրյանն իսկապես նրան այրի՞ խարույկի վրա։
– Ճիշտ կլինի՝ Խաչիկը սկզբում գնա Սաֆարովին այրի, նոր այդ ժամանակ կմեկնաբանենք իր խոսքերը՝ Զարուհու մասով։
– Խաչիկն է, բա որ գնա՞ց, բա որ այրե՞ց, ի՞նչ եք անելու էդ ժամանակ։
– Այդ ժամանակ նոր մեկնաբանություն կպահանջեք ինձնից։
– Փաստորեն, դեմ չեք Զարուհուն այրելուն։
– Ոչ թե դեմ չեմ, այլ խիստ կասկածում եմ նրա այրման գործընթացին։
– Փորձի՞ց գիտեք. Զարուհին ջրում չի խեղդվում, կրակում չի՞ այրվում։
– Ոչ, ես ցիտում եմ ասվածը Սաֆարովի մասով, ընդամենը։ Եվ ուրիշ ոչինչ։
Ճեպազրույցը՝ Կարմեն ԴԱՎԹՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
