Հոկտեմբերի 21-ին ՀՀ ԱԳ նախարար Էդվարդ Նալբանդյանն ընդունեց Արաբական լիգայի գլխավոր քարտուղարի տեղակալ Ֆադել Մուհամեդ Ջավադին, ով Երևանում մասնակցում է «Պայքար Եվրոպայում խտրականության, այլատյացության և անհանդուրժողականության դեմ» բարձրաստիճան խորհրդաժողովին:
Ողջունելով հյուրին՝ նախարար Նալբանդյանը նշեց, որ արաբական երկրները Ցեղասպանությունից փրկված շատ հայերի համար երկրորդ հայրենիք են դարձել և հայկական համայնքներն այսօր Հայաստանի հետ հարաբերությունների և այդ երկրների միջև կապող կամուրջ են հանդիսանում։ Նախարարը հավելեց, որ Հայաստանը առաջնային է համարում է արաբական աշխարհի հետ ավանդական բարեկամական հարաբերությունների հետագա զարգացումը և ամրապնդումը ու այդ առումով կարևորեց դիտորդի կարգավիճակով Հայաստանի ներկայությունը Արաբական պետությունների լիգայում։
Շնորհակալություն հայտնելով ընդունելության համար, ԱՊԼ գլխավոր քարտուղարի տեղակալը գոհունակությամբ նշեց, որ հայ-արաբական բարեկամությունը հարուստ է բարի ավանդույթներով և այն տարեցտարի առավել խորանում է ու Արաբական լիգան նպատակադրված է հավելյալ ջանքեր գործադրելու այդ ուղղությամբ։
Զրուցակիցները մտքեր փոխանակեցին միջինարևելյան զարգացումների, սիրիական ճգնաժամի կարգավորման նպատակով ձեռնարկվող քայլերի շուրջ։
Կարդացեք նաև
ԱԳՆ
