Ֆրանսիայի մշակույթի նախարար Օռելի Ֆիլիպետին հոկտեմբերի 20-ին Դեսին քաղաքում հանդիսավոր արարողությամբ բացել է Հայկական հիշատակի ազգային կենտրոնը: Փարիզից հայտնում է ֆրանսահայ անկախ լրագրող Ժան Էքյանը:
Բացման արարողության ճառում նախարարն ասել է. «Երբեք չպետք է մոռանալ, թե ինչ է եղել 1915թ., պետք է շարունակել պատմական աշխատանքը (…) Հայոց ցեղասպանության փաստը հաստատված է պետության [Ֆրանսիայի] օրենսդրությամբ»:
«Ժխտման քարոզչությունն ընդունելն անթույլատրելի է: Այդ պատճառով, համաձայն պետության ղեկավար Օլանդի հանձնառության, կառավարությունը իրավական միջոցներ է ձեռնարկում, ապահովելու այն սկզբունքները, որոնք սահմանված են մեր սահմանադրությամբ և մեր միջազգային և Եվրոպայի նկատմամբ պարտավորություններով», – ասել է նա:
Ազգային կենտրոնը շենքը գերժամանակակից կառույց է 900մ2 տարածությամբ: Այն ունի գրադարան, 100մ2 տարածքով արխիվային նյութերի սրահ և համաժողովի սենյակ:
Կարդացեք նաև
Կենտրոնում կա մոտ 12 հազար գիրք և 110 հազար փաստաթուղթ «որի մի մասը մշակվել է, նույն ձևաչափի է բերվել և թվայնացվել է»: Դրանք կապված են «պատմության, հիշողությունների, լեզվի, մշակույթի, արվեստի և հայերի արտագաղթի» հետ:
Պատրաստեց Հովհաննես ԻՇԽԱՆՅԱՆԸ
