Այսօր Ազգային ժողովում, երբ քննարկվում էր ֆինանսական համահարթեցմանն առնչվող մի օրենքի նախագիծ, ՀՅԴ խմբակցության պատգամավոր Արծվիկ Մինասյանը համայնքների խոշորացմանը վերաբերող մի քանի դիտարկում ներկայացրեց, ապա դիմեց ՀՀ տարածքային կառավարման փոխնախարար Վաչե Տերտերյանին, ով ներկայացրել էր այդ օրենքի նախագիծը՝ «Խնդրում եմ ուշադրության առարկա դարձրեք մեր խմբակցության առաջարկները՝ համայնքների խոշորացման հետ կապված, պարոն Տերտերյան ջան»:
Այդ վերջին «ջանը» այնքան շեշտված էր, որ արժանացավ նիստը վարող Էդուարդ Շարմազանովի ռեպլիկին՝ «ամեն ինչ ջանից է սկսվում, գնում է դեպի համոզում…»: Եվ, հավանաբար, կառուցողական մթնոլորտը պահպանելու եւ աշխատանքի համար հաճելի մթնոլորտ ստեղծելու համար, որի մասին այսօր առավոտյան ակնարկում էր ԱԺ նախագահ Հովիկ Աբրահամյանը, ԱԺ փոխնախագահը հաջորդ ելույթ ունեցողին հրավիրեց խոսափողի մոտ՝ «համեցեք, պարոն Պողոսյան ջան»:
Թեւան Պողոսյանն էլ դուրս չեկավ այս համոզումային-կառուցողական ծիրից եւ «շնորհակալություն, պարոն Շարմազանով ջան»-ով սկսեց իր ելույթը:
Մելանյա ԲԱՐՍԵՂՅԱՆ
Ինչ հիմարություններով են զբաղված: Մի՞ թե՛ սրանցից կարելի է լուրջ բան սպասել:
Ոչ մի բան էլ չի կարելի սպասել:Դպրոցական մակարդակ, միջակության հասնող անլրջություն: