Արթուր Բաղդասարյան-Գագիկ Ծառուկյան «բանավեճի» վերաբերյալ այսօր խորհրդարանում լրագրողների հետ զրույցում իր մեկնաբանությունը տվեց նաեւ ՕԵԿ խմբակցության անդամ Հովհաննես Մարգարյանը։
Նա նշեց, որ տեղի է ունեցել քաղաքակիրթ բանավեճ, և երկուսն էլ իրենց կարծիքին մնալով կոռեկտ՝ հեռացել են: ՕԵԿ-ական պատգամավորն ասաց, որ Գագիկ Ծառուկյանը ոչ թե դեմ է եղել, որ Արթուր Բաղդասարյանը դառնա Վոլեյբոլի ֆեդերացիայի նախագահ, այլ բանավեճը ֆեդերացիայի նախագահի ընտրության գործառույթների շուրջ է եղել, որը կապված է եղել նաև սպորտի նախարարի հետ։ Լրագրողներից մեկի հարցին` ընտրախախտումնե՞ր են եղել, Հովհաննես Մարգարյանը պատասխանեց. «Չէի ասի ընտրախախտում, ուղղակի եղել է տղամարդկային բանավեճ, որի ընթացքում յուրաքանչյուրն իր կարծիքն է հայտնել»: Պատգամավորը նաեւ հավելեց, որ կարող են լինել դեպքեր, երբ քաղաքական գործիչների նյարդերը տեղի են տալիս և տղամարդկային լեզվով են բանավիճում։ Մեկ այլ հարցի` թե Արթուր Բաղդասարյանն ու Գագիկ Ծառուկյանն իրարից «խռո՞վ են» հեռացել, Մարգարյանը չպատասխանեց՝ նշելով, որ ավելացնելու ոչինչ չունի։
Նելի ԳՐԻԳՈՐՅԱՆ
Արթուր Բաղդասարյանի հետ բանավիճելիս, պարզապես զրուցելիս նորմալ մարդը ո՞նց կարող է չնյարդայնանալ՝ հիշելով նրա քաղաքական անցյալը: