«Հիմնական խնդիրը թողած, թե ինչպես է մարդը ինչ-որ մի շենքում ինքն իրեն հռչակում ֆեդերացիայի նախագահ…կարծում եմ, ճիշտ կլինի, որ դուք դիմեք Օլիմպիական կոմիտեի քարտուղարին եւ ստանաք հստակ պարզաբանում`տեղի ունեցածի վերաբերյալ»,- այսօր խորհրդարանում լրագրողների հետ զրույցում մեկնաբանելով այն հրապարակումները, որ Գագիկ Ծառուկյանի եւ Արթուր Բաղդասարյանի միջեւ վիճաբանություն է տեղի ունեցել, ասաց ԲՀԿ խմբակցության քարտուղար Նաիրա Զոհրաբյանը:
Բուն միջադեպի վերաբերյալ էլ, որ օդանավակայանում Բաղդասարյանի եւ Ծառուկյանի միջեւ «թեժ վեճ» է տեղի ունեցել, տիկին Զոհրաբյանն ասաց. «ՀՀ-ում չկա եւ չի կարող լինել որեւէ քաղաքացի, անկախ իր զբաղեցրած պաշտոնից, որ համարձակություն ունենար անգամ բարձր ինտոնացիայով խոսեր Գագիկ Ծառուկյանի հետ, որովհետեւ Գագիկ Ծառուկյանն ինքը երբեւէ որեւէ մեկին չի վիրավորել եւ մշտապես հարգալից է եղել իր բոլոր գործընկերների հետ: Ուստի, այն քաղաքային ֆոլկլոր պատմությունները, որոնք ներկայացված են կոնկրետ ուժերի սպասարկող մամուլում, ուղղակիորեն որեւէ աղերս չունեն իրականության հետ»:
Նելլի ԳՐԻԳՈՐՅԱՆ
Վերնագրում, ինչ խորը ստրկամտության ու ստորաքարշության դրսևորում է ներկայացված: Մի՞ թե՛
ազգը օր օրի վերածվում է սրանց նմանների,՝ հանուն լիքը տաշտակից օգտվելու: