«Այդ տեսանյութը վաղուց՝ առաջին օրվանից, շրջանառության մեջ է, ոչ մի բան փոխվել: Մի՞թե Ալումյանը այսքան ուշ է ծանոթացել գործի նյութերին, որն իրեն, ի դեպ, հասնում էր ծանոթանալ: Սա արդեն իր թերացումն է, Ալումյանը թերացել է, ուշադիր չի լսում, ուշադիր չի նայում, այս ամեն ինչը առաջին օրվանից կար»,- NEWS.am–ի թղթակցին է ասել Սուրեն Խաչատրյանի որդու՝ Տիգրան Խաչատրյանի շահերի պաշտպան Ռուբեն Սահակյանը՝ խոսելով Սյունիքի նախկին մարզպետ Սուրեն Խաչատրյանի տան մոտ տեղի ունեցած միջադեպը ներկայացնող նոր տեսանյութի մասին:
Ռուբեն Սահակյանը նշել է, որ ընդամենը տեսանյութի ձայնային մասն է ավելացվել, որի մասին ինքն իր ասուլիսում խոսել էր: «Ես ծանոթացել եմ գործի նյութերին, դրանք ներկայացրել եմ մամուլին, հասարակությանը, Ալումյանն էլ պետք է ծանոթանար այդ նյութին, եւ դրա մասին խոսել ավելի վաղ, ոչ թե հոկտեմբերի 19-ին,- ասել է նա եւ ավելացրել,- Ինչ-որ մի բան կատարվում է պարոն Ալումյանի հետ, իմ կոլեգայի հետ, դժվարանում եմ ասել՝ ո՞վ է տրամադրել տեսանյութը, բայց սա Ալումյանի բառերն են, ես տեսնում եմ, թե ինքը ինչպես է վերլուծում գործը՝ խեղաթյուրելով իրականությունը, յուրովի մեկնաբանելով փաստերը, կեղծելով փաստերը, Ալումյանի աչքերին խոշորացույց է, որի վրա նախապես ինչ-որ բաներ են տեղադրված, որը ոչ ոք տեսնել չի կարող, միայն ինքը կարող է տեսնել, միայն իմ կոլեգա Ալումյանը կարող է տեսնել այն, ինչ-որ ինքը տեսնում է»:
Նյութին ամբողջությամբ կարող եք ծանոթանալ սկզբնաղբյուր կայքում:
Ամոթ … և դուք «գլխավոր» իրավաբան եք հավակնում համարվել: Միայն ձայնի ավելացումը շատ բաների վրա է լույս սփռում, չհաշված այն մասերը որ նախկին տեսանյութում չկային:
Աշխարհում ամեն ինչ չե որ փողով են գնում-չափում կան մարդիկ որոնք դրանից բարձր են:
ես պարզ լսում էի, ոնց է մի կին ասում որից ենթադում եմ, որ եթե լսեր չկրակեր դեպքը այլ ելք կունենար…