«Ստեղծվել է մի իրավիճակ, երբ իշխանափոխության համար պարարտ հող է ստեղծվել: Ժամանակը ցույց տվեց, որ այս իշխանությունների համար միայն լավ է ստացվում ընտրություններ կեղծելն ու փող աշխատելը: Եվ Սերժ Սարգսյանի համար աշխարհը կազինո է, նա արդեն կոնի վրա դնում է Հայաստանը: Նա նվաստացած է եւ նրա ֆուտբոլային դիվանագիտության արդյունքում` Հայաստանը վերածվեց ֆուտբոլային գնդակի»,- այսօր «Զարկերակ» ակումբում ասաց «Ազգային համաձայնություն» կուսակցության նախագահ Արամ Հարությունյանը:
Արամ Հարությունյանի խոսքով` այսօր ամբողջ քաղաքական թիմը ինքնաոչնչացման մրցակցության մեջ է, բանը հասել է նրան, որ որոշ նախարարներ, մասնավորապես` Արմեն Երիցյանն իր վարկանիշը բարձրացնելու ուրիշ ճանապարհ չունի, հետեւաբար ստիպված բեմադրում է մի ներկայացում, փրկելով կամրջից նետվող մարդուն. «Սա ցույց է տալիս, որ իշխանությունները ռեսուրս չունեն եւ ժողովրդի մոտ նրանց վարկանիշը զրոյից բարձր չէ: Ամենամեծ օրինակը Բրյուսելում կայացած համագումարի ժամանակ հնչած Աշոտ Գրիգորյանի ելույթն էր, որը ներկայացնում էր Հայաստանի վիճակը, ելքը, ըստ որի՝ միակ տարբերակը իշխանափոխությունն է»:
Եվա ՀԱԿՈԲՅԱՆ
