«Ցեղասպանության 100-ամյակի առիթով Թուրքիայի կողմից ցեղասպանության ճանաչման ուղղված քայլեր ակնկալել մինչեւ 2015 թվականն անիմաստ է: Նրանք գուցե ինչ որ բաներ նախաձեռնեն ցույց տալու համար, թե մի բան են անում, բայց հիմք չկա կարծելու, որ Թուրքիան կճանաչի հայոց ցեղասպանությունը: Սակայն դա չի նշանակում, որ մենք պետք է դադարենք աշխատել Թուրքիայի հասարակության հետ»,- այսօր «Փաստարկ» ակումբում նման կարծիք հայտնեց ՀՅԴ Հայ Դատի եւ քաղաքական հարցերի գրասենյակի ղեկավար Կիրո Մանոյանը:
Անդրադառնալով Զորի Բալայանի նամակին՝ Կիրո Մանոյանն ասաց, նա շուրջ 25 տարի է այդ հարցերն արծարծում է, դա նորություն չէր, սակայն ինքը նրա առաջարկած լուծումների առումով չի կիսում Զորի Բալայանի կարծիքը:
Եվա ՀԱԿՈԲՅԱՆ
