«Ոչ ոք չի պարտադրում Հայաստանին հենց այս պահին մաս կազմել Մաքսային միությանը: Հայաստանը ինքը պետք է դա որոշի, իսկ հիմա ընթանում են նախապատրաստական աշխատանքներ, ինչի մասին հայտարարեց Հայաստանը»,- այսօր «Նովոստի» մամուլի կենտրոնում հայտարարեց ԵվրԱզԷս-ի ինստիտուտի տնօրեն, ՌԳԱ Գիտխորհրդի` Եվրասիական տնտեսական ինտեգրացիայի հարցերով բյուրոյի անդամ Վլադիմիր Լեպյոխինը:
Նրա խոսքով, Մաքսային միությունը նպատակ չէ, այլ Հայաստանի համար տնտեսական առումով առավելություններ ստանալու լավագույն միջոցն է. «Ընձեռված հնարավորությունից Հայաստանը պետք է կարողանա հնարավորինս շատ բան քաղել իր համար: Ես հասկանում եմ, որ հարցեր կլինեն ՄՄ-ի միջոցով, բայց հստակ պետք է լինի տնտեսական շահը, սա է ամենակարևորը»:
Այն հարցին, թե ի՞նչ օգուտ ունեն Մաքսային միության երեք անդամները Հայաստանի անդամակցությունից, բանախոսն ասաց, որ առաջին հերթին Հայաստանին է դա պետք` տնտեսական շահերի տեսանկյունից:
Իսկ ինչ վերաբերում է այն քննադատությանը, թե սա Ռուսաստանի կայսերական ամբիցիաների իրագործմանն է ուղղված, ապա Լեպյոխինը շեշտեց` «Նման բան չկա:
Կարդացեք նաև
Հատկապես ինչ տնտեսական օգուտների մասին է խոսքն, ըստ ռուսաստանցի բարձրաստիճան պաշտոնյայի`քիչ ուշ տեսանյութում:
Նելլի ԳՐԻԳՈՐՅԱՆ
