«Առաջին լրատվական»-ի հետ զրույցում Մարտի մեկի ողբերգական իրադարձությունների զոհերից Տիգրան Խաչատրյանի մայրը՝ Ալլա Հովհաննիսյանը, ով նաև «Մարտի մեկ» ՀԿ-ի նախագահն է, ողջունեց Սաքունցի նախաձեռնությունը՝ միևնույն ժամանակ ասելով, որ չի կարծում, թե նրանց կհարցաքննեն․ «Ես շնորհակալ եմ Արթուր Սաքունցին, որ նա Մարտի մեկի հարցը բարձրացնում է, որովհետև որոշ մարդիկ արդեն մոռացել են Մարտի մեկն առհասարակ, բայց ես չեմ հավատում, որ նրանց կհարցաքննեն: Եթե հարցաքննեն, հնարավոր է՝ ինչ որ փոփոխություն լինի, բայց հաստատ համոզված եմ, որ չի լինի այդպիսի բան»:
Հարցին, թե արդյոք վստահություն ունի՞ նորանշանակ դատախազի նկատմամբ, եթե հաշվի առնենք, որ նրա թեկնածությունն առաջադրել է Սերժ Սարգսյանը, տիկին Հովհաննիսյանը պատասխանեց․ «Ինձ անձը ընդհանրապես չի հետաքրքրում: Քանի իշխանության ղեկին կանգնած է Սերժ Սարգսյանը, Կոստանյանը չէ, ով ուզում է լինի՝ չի կարող այդ հարցը բացահայտել: Ինչպե՞ս կարող է Սերժ Սարգսյանի առաջադրած մարդը գա ու Սերժ Սարգսյանին ձերբակալի՝ դա խելքին մոտիկ բա՞ն է, ես չեմ հասկանում»:
Ինչ վերաբերում է Ռոբերտ Քոչարյանին հարցաքննելուն, մեր զրուցակիցն ասաց, որ եթե Քոչարյանին հարցաքննեն, ապա դա կնշանակի, որ Սերժ Սարգսյանն է ուզում, որ նրան ձերբակալեն: Ա․ Հովհաննիսյանի կարծիքով՝ Մարտի մեկն այսօր հենց Սարգսյանի ձեռքում է․«Պետք չէ, որ միայն Քոչարյանը պատասխան տա Մարտի մեկի համար: Ես, օրինակ, գտնում եմ, որ երկուսն էլ դրա համար պատասխանատու են: Միևնույն ժամանակ համոզված եմ, որ Սերժ Սարգսյանը չի համարձակվի միայն նրան մեղադրել, այսինքն նրան տանել դատախազություն… Եթե նա գնա դատախազություն, ուրեմն երկուսով պետք է պատասխան տան:
Ես գտնում եմ, որ Մարտի մեկի գլխավոր պատասխանատուները Ռոբերտ Քոչարյանն ու Սերժ Սարգսյանն են: Ես նրանց չեմ ուզում իրարից բաժանել ու կարծում եմ, որ այս իշխանությունների օրոք դա չի բացահայտվելու՝ ուրիշ հարց ինձ չի հետաքրքրում, ով ինչ ուզում է անի։ Քաղաքապետի հրաժարական են պահանջում՝ դա ինձ համար ուղղակի ծիծաղելի է: Ով ուզում է լինել քաղաքապետ, քանի այս իշխանությունները՝ Հանրապետական կուսակցությունը՝ Սերժ Սարգսյանի հետ, ղեկավարում են այս երկիրը՝ ես որևէ լավ բան չեմ սպասում»,- եզրափակեց նա:
Կարդացեք նաև
Մարիամ Գրիգորյան
Նյութի մանրամասները կարդացեք սկզբնաղբյուր կայքում
Երկու հանցագործ էլեմենտները ձերբակալվելու են,՝ նույն օրը, նույն ժամին և կարծում եմ, որ շատ
շուտով, մինչև մեկ տարին: