Տավուշի մարզխորհրդի հոկտեմբերի 12-ի նիստում մարզպետ Արմեն Ղուլարյանը հայտարարեց, որ համայնքներ կան, որոնք գույքահարկի եւ հողի հարկի բազային տվյալները ճշտելու համար վատ են համագործակցում կամ ընդհանրապես չեն համագործակցում մարզի 4 տարածաշրջաններում գործող համայնքների միությունների հետ եւ հավելեց.
«Ես արդեն հակված եմ մտածելու, որ որոշ համայնքների ղեկավարների համար երեւի պետք է, որպեսզի բալաստը՝ ոչ մաքուր, ոչ հստակ, բազան, որը որ չգիտեմ՝ ինչ է տալիս: Աշխատանքները դրանից մեծապես տուժում են: Պարզություն չկա, մաքրություն չկա, հստակություն չկա: Մյուս կողմից էլ` կան մարդիկ, ովքեր որ ուղղակի նույնպես պետք է մի քիչ իրենց աշխատակիցների պատասխանատվությունը բարձրացնեն, որպեսզի համայնքների միության հետ աշխատեն»:
Ոսկան ՍԱՐԳՍՅԱՆ
