Այսօր «Հայելի» ակումբում Գերագույն խորհրդի նախկին պատգամավոր Ազատ Արշակյանը խոսելով Զորի Բալայանի նամակի մասին, հետեւյալն ասաց. «Զորի Բալայանը մեծ մարդ է, գրում է` թող գրի, ուզում եք կարդացեք, չեք ուզում՝ մի կարդացեք, բայց իրականում դա քաղաքական ակցիա է»:
Ազատ Արշակյանի խոսքով` ինչո՞ւ պիտի երեսուն էջ խնդրագիր կարդան. «Եթե երկրի նախագահին բան ունես ասելու, ապա քո նախագահին ասա, քո ժողովրդին, իսկ եթե ուրիշին ես դիմում, ապա մի խնդրիր, հոխորտա, որովհետեւ մենք այժմ ռուսների հետ այլ պայմանագիր ունենք»:
Ազատ Արշակյանի խոսքով, Զորի Բալայանի նամակը Սովետական միության կարոտախտ է. «Ճորտը նամակ է գրում, հետո ինչ…»,-ասաց նա՝ հավելելով, որ
քաղաքականապես էլ տգեղ էր այդ նամակը:
Կարդացեք նաև
«Եթե ուզում է իրեն հայհոյեն` ուրեմն մազոխիստ է դա: Թող լավ բան անի, լավ խոսեն նրա մասին, ոչ թե հայհոյեն»,- ավելացրեց Ազատ Արշակյանը:
Եվա ՀԱԿՈԲՅԱՆ
