«Խանությունը որոշել է՝ խանը պիտի լինի նույնը, հոպարները որոշեցին, Ալիևը մնաց»,- գնահատելով Ադրբեջանում կայացած նախագահական ընտրությունները՝ այսպիսի կարծիք հայտնեց քաղաքագետ Սերգեյ Շաքարյանցը: Նա նշեց, որ ընտրությունների արդյունքները զարմանալի չէին ու նկատեց, որ չկան երկրների առաջին դեմքերի շնորհավորանքները՝ նախագահի ընտրության առիթով: Պարոն Շաքարյանը հարց է հնչեցնում՝ «արդյոք դա նշանակում է, որ Թուրքիան ու ՌԴ-ն չե՞ն հավանում ընտրությունների արդյունքները, կամ ԱՄՆ պետդեպարտամենտն է կոշտ գնահատականներ տալիս»:
«Բացի Վրաստանից, որը ողջունում է Ադրբեջանի ընտրությունները, մնացած աշխարհն ինչ-որ վերապահումներ ունի: Ամբողջ աշխարհը մինչև վերջ չի արտահայտվում, ինչ-որ վերապահումներ ունեն, ուստի մնացել է մտածել՝ իսկ իրականում ի՞նչ է տեղի ունեցել, արդյոք բոլոր պայմանավորվածությունները Իլհամ Ալիևը խախտե՞լ է»:
Հարցին՝ ի՞նչ է նշանակում Ալիևի վերընտրությունը Հայաստանի համար, Սերգեյ Շաքարյանցը պատասխանեց. «Ալիևի վերընտրությունը նշանակում է այն, որ մենք շատ ուշատ անգամ կբախվենք նմանատիպ սադրանքների հետ: Այսօր, այս ամիսներին կրակոցներ են հնչում Շամշադինի ուղղությամբ, վաղը չէ մյուս օրը Նոյեմբերյանի և այլ ուղղությամբ կհնչեն: Մենք կարծես թե պարտադրված կլինենք հանդուրժել այդ սադրանքները»:
Տաթև ՀԱՐՈՒԹՅՈՒՆՅԱՆ
