Հատվածներ ԲՀԿ–ական պատգամավոր, ՄԱԿ նախագահ Գուրգեն Արսենյանի հարցազրույցից:
– Պարոն Արսենյան, մենք տեղեկություն ունենք, որ դուք 250 հեկտար հող եք գնել հայ–թուրքական սահմանին, կհաստատե՞ք, թե՞ կհերքեք։
– Ես 250 հեկտար հող ունեմ, որը նաեւ հայտարարագրում եմ ամեն տարի, բայց որը գտնվում է Արմավիրի մարգում, Բաղրամյանի շրջանում, որտեղ Էռնեկյանի հողերն են, էռնեկյանի հողերի հենց կողքին են։ Հարցադրումը հետեւյալն է՝ Էռնեկյանը սահմանին հող ունի՞։ Էռնեկյանի հողից որ դուրս ես գալիս, մտնում ես իմ հողը։
– Մեր տեղեկություններով, հայ–թուրքական արձանագրությունների ստորագրման փուլում եք այդ հողերը գնել ու հիմա շատ էժան վաճառում եք։
Կարդացեք նաև
– Ձեր տեղեկությունները ինձ դուր եկան։ Ես կարող եմ ասել, թե էլ ինչ եմ գնել, որը կարող եք կապել դրա հետ, թուրքական օճառ եմ գնել «հայ–թուրքականի» ստորագրումից հետո։
– Ըստ մեր տեղեկությունների, դուք հայ–թուրքական արձանագրությունների ստորագրման փուլում թանկ գնով գնել եք այդ հողերը ու հիմա շատ էժան գնով եք վաճառում։
– Ես տեղեկացնեմ՝ շուկայական արժեք ունի դա, շուկայական արժեքով մոտավորապես 18-22 ցենտ է մեկ քառակուսի մետրը։ Ես գնել եմ մի քիչ ավելի թանկ, այն ժամանակ պիկ էր։ Գնել եմ 2500-ով (նկատի ունի մեկ հեկտարը 2500 դոլար, կամ մեկ քմ-ն 25 ցենտ): Դա փաստաթղթավորված, հրապարակված, հայտարարագրում նշված բան է։
– Բայց ճի՞շտ է, որ այն հաշվարկով եք գնել, որ հայ–թուրքական սահմանը բացվի, շատ ավելի թանկ են լինելու այդ հողերը։
– Սահմանը Մարգարան է։ Թուրքիայի սահմանը սկսվում է Ախուրյանից, ավարտվում է Երասխում։ Այդ ամբողջ հատվածում դեպի սահման գնացող ճանապարհներ կան։ Գործող կամուրջը Մարգարան է։ Մյուսը Ախուրյանում է։ Վերջ, երրորդ տեղ չկա։ Դրանք գյուղատնտեսական նշանակության հողեր են, այգեգործության ծրագրով էի գնել, հետո միտքս փոխվեց։
Լ. Բ.
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
