Թեև սոցիալական ցանցերը ցնցված են Զորի Բալայանի՝ Պուտինին ուղղված նամակից, խիստ քննադատության են ենթարկում և դատապարտում այն, այնուամենայնիվ՝ ԳԱԱ պատմության ինստիտուտի տնօրեն Աշոտ Մելքոնյանին Զորի Բալայանի նամակը փոխանցել է այն անհանգստությունը, ինչը նկատվում է հեղինակի մոտ:
Նրա խոսքով՝ եթե դա իսկապես հետևանք է այն բանի, որ կա Մինսկի եռանախագահների կողմից պարտադրվող ինչ-որ նախագիծ, բնականաբար՝ դա անհանգստացնող է, մանավանդ, եթե դրա հիմքում կա, այսպես կոչված, փոխզիջում:
«Եվ այս իմաստով ես հասկանում եմ Զորի Բալայանին, որ անհանգստանալու խնդիր կա: Իսկ ինչ վերաբերում է այն մեկնաբանություններին, որ խոսքն այն մասին է, թե պետք է վերականգնել կայսրությունը, պետք է փորձել նորից Ղարաբաղը Ռուսաստանի տիրապետության տակ դնել, ինձ թվում է՝ այնքան էլ արդարացված չէ: Ամենակարևորը՝ խոսքը վերաբերում է Ռուսաստանի իշխանական շրջաններին սթափության կոչին, որ հասկացվի մի բան, այն է՝ բնականաբար, մեր ամբողջ տարածաշրջանը հետաքրքրության իմաստով Ռուսաստանի հետաքրքրության շրջանակներում է, քան թե նույն Արևմուտքի, այդ թվում՝ Ֆրանսիայի և ԱՄՆ-ի»,- ասաց նա:
Սիրանույշ Պապյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
