Ծագումով արցախցի, Ղարաբաղյան շարժման ակունքներում կանգնած գրող, հրապարակախոս Զուրի Բալայանը ԼՂՀ ապագան տեսնում է ՌԴ կազմում։ Դեռ ավելին՝ նա այս մասին նամակ է գրել ՌԴ Նախագահ Վլադիմիր Պուտինին։ Զորի Բալայանի այս քայլը ցնցել է «Հայրենիք եւ պատիվ» կուսակցության նախագահ Գառնիկ Մարգարյանին. «Կարծում եմ` Զորին երկար ժամանակով բացակայել է քաղաքական դաշտում, փորձում է վերադառնալ ակտիվ քաղաքականություն, դա իր խնդիրն է»:
ՌԴ նախագահին ուղղված նամակում Զորի Բալայանը գրել է, «Ղարաբաղի խնդիրը» ոչ թե հայերի, այլ Ռուսաստանի խնդիրն է, եւ որ պետք է վերադառնալ 1813թ. Գյուլիստանի պայմանագրին, ըստ որի` Արցախը ՌԴ կազմում պետք է լինի:
Պարոն Մարգարյանը մեծ ցավ է ապրում, որ այս տողերի հեղինակը Զորի Բալայանն է, ով գիտի, թե ինչ գնով է Արցախը պետություն դառնում. «Յուրաքանչյուր մարդ, մինչեւ այդպիսի հարցադրումներ անելը, պետք է հաշվի առնի մեր հայ ժողովրդի արցախյան բնակչության կարծիքը, պետք է հաշվի առնի պատերազմի արդյունքը, նրա հետեւանքները: Արցախյան հարցը կարող ենք համարել լուծված, Արցախյան հարցի լուծումը տվել են այն շուրջ 10 հազար զոհերը, որոնք Եռաբլուր են ձեւավորել»։
Կարդացեք նաև
Մանրամասն՝ կարդացեք այստեղ
