Այսօր Քրեական Վերաքննիչ դատարանի մոտ ՀԱԿ ակտիվիստ Տիգրան Առաքելյանին դատարանի դահլիճից ազատ արձակելուց հետո ՀԱԿ խմբակցության ղեկավար Լեւոն Զուրաբյանն իր շուրջը հավաքեց բոլոր 4 ակտիվիստներին եւ հայտարարություն արեց:
Նա մի արտահայտություն արեց, որը բոլորովին դուր չեկավ դատարանի տարածքում գտնվող ազատամարտիկ գնդապետ Վոլոդյա Ավետիսյանի ընկերներին: ՀԱԿ պատգամավորը հայտարարեց, որ այս պահին այլեւս Հայաստանում չկա քաղբանտարկյալ, մինչդեռ Վոլոդյա Ավետիսյանի ընկերները համոզված են, որ Վոլոդյա Ավետիսյանն այսօր անազատության մեջ է իր հայացքների եւ պայքարի համար:
Լեւոն Զուրաբյանը հաղթանակ համարեց այն, որ այսօր բոլոր 4 ՀԱԿ ակտիվիստներն էլ ազատության մեջ են. «Բայց մեծ հաշվով այս վճռից մենք ուրախանալու բան չունենք: Այսօրվա վճիռն էլ անարդար վճիռ էր: Դատավորը, ոտնահարելով արդարադատության բոլոր նորմերը, նորից կայացրեց որոշում, որով մեր տղաներին ճանաչեց մեղավոր: Մեզ այդպիսի արդարադատություն պետք չի: Մենք նրանց ոչ շնորհակալ ենք, մենք համարելու ենք այդպիսի արդարադատությունը դատապարտված: Մեր երկրում նման արդարություն երբեք թույլ չենք տա: Այս դատավարությունը շնորհիվ մեր տղաների՝ Տիգրան Առաքելյանի, Դավիթ Քիրամիջյան,Սարգիս Գեւորգյանի, Արտակ Կարապետյանի, վերածվեց դատավարության՝ ռեժիմի նկատմամբ: Այս դատավարության ընթացքում ամբաստանյալի նստարանին նստած էին Սերժ Սարգսյանը, Եվա Դարբինյանը, դատախազ Հակոբ Մարտիրոսյանը, բազմաթիվ քննիչներ, տո հենց Աղվան Հովսեփյանը: Նրանք բոլորը նստած էին որպես ամբաստանյալ՝ այս դատավարության ընթացքում: Մեր տղաները ապացուցեցին, որ իրական հանցագործները այդ վերոհիշյալ մարդիկ են: Նրանք կարողացան անել այն, ինչ ժամանակին արել են լրջագույն քաղաքական գործիչներ: Նրանք վերածեցին դատավարությունն իրենց նկատմամբ դատավարությունից ռեժիմի նկատմամբ դատավարության»:
Նա բոլորին կոչ արեց այսօր ժամը 18.00-ին Տիգրան Առաքելյանի հետ հանդիպման գնալ Սարյանի արձանի մոտ:
Կարդացեք նաև
Հռիփսիմե ՋԵԲԵՋՅԱՆ
Ինչպես ասել է դարի մեծագույն գործիչ Լևոն Զուրաբյանը, եթե ՀԱԿ, ՀՀԿ կամ ԲՀԿ չես, ապա ոչինչ ես: Սա քաղաքականություն է, իսկ քաղաքականությունն ունի իր օրենքները:
Շատ ցավալի է, որ դեռ Լևոն Զուրաբյանի հետ հույսեր են կապում: Գուցե ժամանակն է նրան էլ Գերմանիայի դեսպան ուղարկել: