Այսօր քիչ առաջ Քրեական Վերաքննիչ դատարանում ՀԱԿ ակտիվիստների դատավճիռը կարդաց դատավոր Եվա Դարբինյանը: Նա հայտարարեց, որ պետք է ՀԱԿ ակտիվիստների բողոքը բավարարել մասնակիորեն: Տիգրան Առաքելյանը ՔՕ 316-ի երկրորդ մասի երկրորդ կետով ճանաչվեց անմեղ:
Դատավորը հայտարարեց նաեւ՝ վերջնական պատիժ Տիգրան Առաքելյանի համար սահմանել 3 տարի, խափանման միջոց ընտրված կալանավորումը վերացնել:
Մինչ վճիռը հրապարակելը Տիգրան Առաքելյանը հորդորեց ներկաներին ծափահարել դահլիճում միայն արդարացման դատավճռի դեպքում:
Հրապարակումից հետո հնչեցին բուռն ծափողջույններ՝ կարծելով, թե արդարացման դատավճիռ է: Սակայն երբ Եվա Դարբինյանը կարդաց վճռի շարունակությունը, դահլիճում ներկաները բղավեցին՝ «ամոթ՝ մասնակիորեն»:
Կարդացեք նաև
Արտակ Կարապետյանին ճանաչեցին մեղավոր, 2 տարի 11 ամիս ժամկետով ազատազրկման դատապարտեցին, սակայն պատիժը չի կիրառվի՝ համաներման շնորհիվ:
Սարգիս Գեւորգյանի նկատմամբ դատարանը որոշեց 1 տարի ազատազրկման պատիժը չկիրառել՝ հանրապետությունից չհեռանալու ստորագրությամբ:
Դավիթ Քիրամիջյանի նկատմամբ նույնպես 1 տարի ազատազրկման դատապարտման վճիռ կայացրեցին՝ հայտարարելով, որ ազատազրկումը չպետք է կիրառել պայմանականորեն:
Հռիփսիմե ՋԵԲԵՋՅԱՆ
