Տիգրան Սարգսյանը դատարկված Գյումրիի համար արտագաղթի կանխման ծրագիր է մշակում
Ինչպես տեղեկացրել ենք, երեկ Գյումրու տոնին ներկա էր նաև ՀՀ կառավարության ղեկավար Տիգրան Սարգսյանը` մշակույթի նախարար Հասմիկ Պողոսյանի ուղեկցությամբ:
Լրագրողները Գյումրու Օղակաձև այգում քանդակագործության սիմպոզիումն ուսումնասիրող վարչապետից հետաքրքրվեցին, թե ե՞րբ է վերջ դրվելու Գյումրիից արտագաղթին:
Ի պատասխան այս հարցի՝ արդեն իսկ բարձր տրամադրության մեջ գտնվող վարչապետը ուշացած մի խոստում տվեց. «Մի հատ համալիր ծրագիր ենք իրականացնելու, որպեսզի ունենանք աշխատատեղեր, որպեսզի ունենանք այնպիսի մթնոլորտ և այնպիսի տրամադրություն, որպեսզի գյումրեցիները նախապատվությունը տան իրենց սիրելի քաղաքին, կարողանան իրենց աշխատանքով, իրենց ընտանիքներին պահեն և լինեն երջանիկ: Այդ համալիր ծրագիրը իրականացնելու ենք»:
Կարդացեք նաև
Բայց թե ե՞րբ է իրականացնելու, կառավարության ղեկավարը խուսափեց պատասխանել:
Նունե ԱՐԵՎՇԱՏՅԱՆ
