Մամուլում լուրեր են տարածվել, որ ԱԺ ՀՀԿ-ական պատգամավոր Կարեն Ավագյանի հարազատ եղբայրը՝ Արթուր Ավագյանը, օրերս նշանակվել է Երեւանի Վ. Բրյուսովի անվան պետական լեզվաբանական համալսարանի վարչատնտեսական եւ սոցիալական հարցերով պրոռեկտորի պաշտոնում, իսկ ինքը՝ ԱԺ ՀՀԿ-ական պատգամավոր Կարեն Ավագյանն էլ, ով, ըստ այդ հրապարակումների, արդեն 3 տարի՝ ՀՀԿ Երիտասարդական կազմակերպության խորհրդի նախագահն է, ցանկանում էր դառնալ Երեւանի պետական բժշկական համալսարանի (ԵՊԲՀ) ռեկտոր: Ըստ նույն լուրերի՝ «Նա ներկայումս պաշտպանում է դոկտորականը, որը պարտադիր նախապայման է ռեկտորի պաշտոնին «նշանակվելու» համար»:
Aravot.am-ը Կարեն Ավագյանից հետաքրքրվեց՝ արդյո՞ք այդ լուրերը համապատասխանում են իրականությանը: Նա պատասխանեց. «Եթե այդտեղ մի հավաստի տեղեկություն կա, ապա դա այն է, որ Արթուր Ավագյանն իրոք իմ եղբայրն է։ Ի գիտություն այդ լրատվամիջոցների՝ տեղեկացնեմ, որ Արթուր Ավագյանն աշխատել Է ոչ թե պետական գնումների գործակալությունում, այլ ՀՀ կրթության և գիտության նախարարության «Կրթական ծրագրերի կենտրոն» ծրագրերի իրականացման գրասենյակ» պետական հիմնարկում՝ որպես ծրագրերի ղեկավար (տնօրենի տեղակալ)։ Ես՝ Կարեն Ավագյանս, ՀՀԿ երիտասարդական կազմակերպության նախագահ եմ ոչ թե 3 տարի, ինչպես գրված է հոդվածում, այլ 8 տարի։ «Հայտնագործում» են, թե ես այժմ պաշտպանում եմ դոկտորական ատենախոսություն։ Տեղեկացնեմ, որ գիտական այդ աստիճանը ես ստացել եմ շուրջ 2 տարի առաջ։ Ինչ վերաբերում է Երևանի պետական բժշկական համալսարանի ռեկտորի իմ հավակնություններին, ապա բուհն ունի ռեկտոր, իսկ ես՝ իմ աշխատանքը խորհրդարանում։ Ասեմ, որ Արթուր Ավագյանն առայժմ չի նշանակվել լեզվաբանական համալսարանի պրոռեկտորի պաշտոնում։ Ինչ վերաբերում է իմ մասին տեղեկատվությանը, այսուհետ այն ճշտելու համար կարելի է կապվել ինձ հետ: Այսքանից հետո, թե ինչու են լրատվամիջոցները նման նյութեր պատրաստում, թողնում եմ ընթերցողի դատին»:
Կարդացեք նաև
Տաթեւ ՀԱՐՈՒԹՅՈՒՆՅԱՆ
Կարծում եմ, որ պարոն Կ. Ավագյանը չպետք է արձագանքի նման սադրիչ հրապարակումներին, չէ որ տեսանելի են երիտասարդական հիմնադրամի իրականացրած ազգանվեր ծրագրերը և բնականաբար առաջացնում են շատերի նախանձն և ցավոք սրտի, առիթ են տալիս դրսևորելու ոչ միայն թույլ, չար պրոֆեսիոնալիզմը այլ նաև հիվանդ հոգեկան աշխարհը /վերջերս կարդացի, որ ֆրանսիացի գիտնականները ապացուցել են, որ նախանձը հոգեկան հիվանդության դրսևորումներից մեկն է/
Ռուս գիտնականներն էլ ասել են, որ՝ քծնողներին, ստրկամտերին, ստորաքարշերին, թալանչիներին, անվողնաշարավորներին, կեղծ հայրենասերներին, և այլ սողուններին միայն գերեզմանը կուղղի:
Բայց ես հույս ունեմ, որ կյանքում երբեմն բացառություններ լինում են: