Տավուշի մարզի բնակիչները կրկին «Առավոտի» թղթակցին ահազանգել են հացի մասին: Մարզում գործող հացի արտադրամասերում արտադրվող հանապազօրյա սննդամթերքը խանութներ է տեղափոխվում տարբեր ավտոմեքենաների բեռնախցիկներում՝ տարատեսակ կեղտոտ ապրանքների կողքին: Հաց տեղափոխող վարորդները ձեռնոցներ չեն կրում: Մթերային խանութներում իրացվող հացը չունի գնապիտակ, գոյություն չունեն հացի տեսակի, քաշի, արտադրողի, պիտանելիության ժամկետի, հացի բաղադրության վերաբերյալ գրառումներ:
ՀՀ գյուղատնտեսության նախարարության սննդի անվտանգության պետական ծառայության Տավուշի մարզային բաժնի աշխատակիցները մեր հրապարակումներին չեն արձագանքում: Իջեւանում գործող Տավուշի հակակոռուպցիոն կենտրոնի տնօրեն Վահագն Թամրազյանը հայտնում է, որ իրենց կենտրոնն այս խնդիրը բարձրացրել է մի քանի ամիս առաջ, պաշտոնական գրությամբ դիմել է ՀՀ գյուղատնտեսության նախարարության սննդի անվտանգության ծառայություն: Այնտեղից գրությունն ուղարկվել է Իջեւանի քաղաքապետարան եւ մինչ այժմ պատասխան չի ստացվել:
Ոսկան Սարգսյան
Կարդացեք նաև
