Մարդու իրավունքների եվրոպական դատարանը հոկտեմբերի 10-ին « Delfi AS-ն ընդդեմ Էստոնիայի» դատական գործի վճռով սահմանել է, որ կայքը կարող է պատասխանատվություն կրել ընթերցողների մեկնաբանությունների համար, որոնք պարունակում են վիրավորական արտահայտություններ:
Ստրասբուրգի դատարանը միևնույն ժամանակ ընդունել է հանգամանքը, որ վիրավորական արտահայտություններ պարունակող մեկնաբանության համար անձին պատասխանատվության ենթարկումը խոսքի ազատության ոտնահարում չէ:
Հատկանշական է այն, որ ԵԽ անդամ երկրների ազգային դատարանները ևս ընդունել են այն հանգամանքը, որ մեկնաբանություններ տարածող կազմակերպությունը պատասխանատվություն կրում է այդ մեկնաբանությունների բովանդակության համար: Անգամ կայքին պատասխանատվությունից չի կարող ազատել այն հանգամանքը, որ ընթերցողների մեկնաբանությունները նախապես չեն խմբագրվել, կամ կայքում նախապես գրված է եղել, որ կայքը պատասխանատվություն չի կրում ընթերցողների մեկնաբանությունների համար և այլն:
Էստոնական դատարանները կատարել են իրենց եզրահանգումները՝ նշելով, որ հաճախ կայքերն իրենք են խրախուսում ընթերցողներին մեկնաբանություններ թողնել, քանի որ դա կայք հաճախումների թիվն ավելացնում է, որն էլ նպաստում է գովազդատուների թվի ավելացմանն ու շահույթի ապահովմանը:
Կարդացեք նաև
Տաթև ՀԱՐՈՒԹՅՈՒՆՅԱՆ
