«Ազատություն» ռադիոկայան. Անցած գիշեր մահացել է բելգիացի հայտնի քաղաքական և պետական գործիչ, Բելգիայի նախկին վարչապետ, Եվրոպական ժողովրդական կուսակցության (ԵԺԿ) նախագահ Վիլֆրիդ Մարտենսը, փոխանցում է BBC-ն:
Բելգիական Le Soir թերթի փոխանցմամբ՝ 77-ամյա Մարտենսը մահացել է Արևելյան Ֆլանդրիայի Լոքերեն բնակավայրում գտնվող իր տանը, կնոջ և զավակների ներկայությամբ:
Մահվան պատճառների մասին առայժմ չի հաղորդվում, սակայն հայտնի է, որ բելգիացի գործիչը տևական ժամանակ սրտի հետ կապված խնդիրներ է ունեցել:
Համաձայն Le Soir-ի՝ վերջերս Վիլֆրիդ Մարտենսը բուժում էր ստացել հիվանդանոցում և պատրաստվում էր հեռանալ ԵԺԿ-ի նախագահի պաշտոնից, իսկ վերջին օրերին հրաժեշտ էր տալիս իր հարազատներին:
Արման Հովհաննիսյան
