Մեկ շաբաթ առաջ մամուլում տեղեկություններ տարածվեցին այն մասին, որ օֆշորի գործով Կիպրոս մեկնած քննչական խումբը վերադարձել է Հայաստան։ Թե ի՞նչ փուլում են այժմ գտնվում քննչական խմբի աշխատանքները, ոստիկանության մամուլի ծառայությունից տեղեկացրել են, որ քննչական խմբի՝ Կիպրոսի Հանրապետություն գործուղման ընթացքում «HELLENIC BANK PUBLIK COMPANY» բանկից առգրավվել են «ABS GLOBAL SERVICE», «WLISPERA HOLDINGS LIMITED» եւ «STR EMERALD LIMITED» ընկերությունների բանկային հաշիվների շարժի վերաբերյալ քաղվածքներ, հարցաքննվել են մի շարք անձինք։
Իսկ հարցին, թե ի՞նչ փուլում են գտնվում օֆշորի գործով Հայաստանի գլխավոր դատախազի՝ Կիպրոսի գլխավոր դատախազին փոխանցած միջնորդությունները իրավական օգնություն ցուցաբերելու մասին, ոստիկանությունից տեղեկացրել են. «Իրավական օգնություն ցուցաբերելու մասին միջնորդության կատարման համար պահանջվող քննչական գործողությունների մեծածավալ եւ ժամանակատար լինելու պատճառով Կիպրոսի Հանրապետության իրավասու մարմինների կողմից դեռեւս շարունակվում են համապատասխան գործողությունները միջնորդության ավարտման ուղղությամբ»: Նախաքննությունը շարունակվում Է։
Գոհար ՎԵԶԻՐՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
