Գյուղատնտեսական շուկան գործում է միջազգային հանդիպումների օրերին
Արդեն 2-րդ անգամն է, որ Վրաստանի Մառնեուլիի շրջանի Թեքալի գյուղում կայացող հասարակական լսումների օրերին տեղացի գործարար Մուշվիգ Նամազովի նվիրած տարածքում գործում է գյուղատնտեսական փոքր շուկա: Այստեղ գնումներ են կատարում հանդիպումների հայ, վրացի եւ ադրբեջանցի մասնակիցները: Շուրջ մեկ տասնյակ վաճառողները տեղացի ադրբեջանցի կանայք են, ովքեր իրացնում են հիմնականում իրենց աճեցրած բերքը:
Սեպտեմբերի 27-ին այնտեղ վաճառվում էր պոմիդոր, վարունգ, սալոր, խնձոր, նուռ, խաղող, ֆեյխուա, լոբի եւ այլն: Հասարակական լսումների մասնակից, ԱԻՄ ղեկավար Պարույր Հայրիկյանը, օրինակ, 3 կգ նուռ գնեց:
Կարդացեք նաև
Նշենք, որ գները հայաստանյան գների համեմատ ոչ շատ էժան էին, ոչ էլ՝ թանկ: Թերեւս բացառություն էր եգիպտացորենը, որի եփած մեկ կողրը վաճառվում էր կես լարիով (125 դրամ):
Ոսկան ՍԱՐԳՍՅԱՆ
