ՀՀԿ պատգամավոր Արտակ Դավթյանը Aravot.am-ի հետ զրույցում վստահեցրեց, որ Տիգրան Առաքելյանը քաղբանտարկյալ չի կարող լինել, թե ինչու՝ չկարողացավ պատասխանել. «Դա իմ կարծիքն է, իմ տեսակետն է»: Մենք ճշտեցինք՝ որովհետեւ ՀՀԿ-ական եք, դրա՞ համար, թե՞ հիմնավոր փաստեր ունեք, որ Տիգրան Առաքելյանը քաղբանտարկյալ չէ՝ նա պատասխանեց. «Չէ, իմ տեսակետն է, դա քի՞չ է»:
ՀՅԴ-ն արտագաղթի կասեցման ծրագիր է մշակել, որտեղ կետ կա կոռումպացված, հակաքրիստոնեական չինովնիկներին պաշտոնանկ անելու: Մենք հետաքրքրվեցինք, թե ինչքանո՞վ է ՀՀԿ-ն այսօր պատրաստ գնալու այդ քայլին: Արտակ Դավթյանը պատասխանեց. «Ես ողջունում եմ ցանկացած կոչ կլինի, գործողություն կլինի, որն ուղղված է կոռուպցիայի վերացմանը, այդ թվում՝ կոռումպացված չինովնիկներից ազատմանը: Կարծում եմ, ծրագրում բավականին դրական հատիկ կա եւ այդ ծրագիրն առնվազն պետք է ուշիուշով կարդալ, հետեւել, քննարկել: Եթե կլինեն քայլեր, որոնք որոշակի դրական արդյունքներ կապահովեն, նաեւ այդ քայլերը պետք է իրականացնել»:
Հռիփսիմե ՋԵԲԵՋՅԱՆ
