ՀՀ քաղաքացիական գործերով վերաքննիչ դատարանը դատավորներ Ն.Տավարացյանի, Ս.Միքայելյանի եւ Դ.Խաչատրյանի մասնակցությամբ այսօր պետք է լսեր «Օլիմպ»՝ «Միլանո» ընկերության գործով բերված բողոքն ընդդեմ Կենտրոն եւ Նորք-Մարաշ վարչական շրջանների ընդհանուր իրավասության դատարանի վճռի եւ «Ավո Ֆ.Մ» ընկերության:
Դատարան էր ներկայացել ՀՀ կառավարության ներկայացուցիչը՝ Գայանե Կարապետյանը, «Ավո Ֆ.Մ» ընկերության ներկայացուցիչ, փաստաբան Սեյրան Գրիգորյանն ու «Օլիմպի» նոր ներկայացուցիչը՝ փաստաբան Բագրատ Վարդանյանը:
Վերջինն ասաց, որ առաջին ատյանի դատարանում «Օլիմպի» ներկայացուցիչները երկուսն էին՝ փաստաբաններ Հայկ Ալումյանն ու Տիգրան Հայրապետյանը:
Բագրատ Վարդանյանը գործի նյութերին ծանոթ չէր եւ խնդրեց ժամանակ, պատճառաբանվելով, որ այսօրվանից է ներկայացնելու ընկերության շահերը:
Կարդացեք նաև
Փաստաբանն ասաց, որ պատասխանողի առարկությունները բողոքի հետ կապված իրենց չեն ներկայացվել:
Դատարանը հետաձգեց նիստը եւ այն նշանակեց հոկտեմբերի 30-ին:
Այս գործով, առաջին ատյանի դատարանը դատավոր Գայանե Կարախանյանի նախագահությամբ բավարարել էր «Միլանոյի» հայցադիմումը, մասնակի:
«Օլիմպ-Միլանոն» պահանջել էր, որպեսզի պատասխանող կողմն իրեն հատուցի Աբովյան-4 հասցեում գտնվող նախկին շինության 2-րդ , 3-րդ հարկերի եւ նկուղի դիմաց փոխհատուցման գումարը:
Հիշեցնենք, որ նշյալ շինության միայն առաջին հարկը վաճառվել էր 200 միլիոն դրամ գումարով:
Ռուզան ՄԻՆԱՍՅԱՆ
