Սանկտ-Պետերբուրգում մեկնարկած Միխայիլ Չիգորինի հուշամրցաշարում, որին մասնակցում են 261 շախմատիստներ, չորս տուրից հետո 100%-անոց արդյունք ունեն չորս հոգի:
Հայաստանի ներկայացուցիչներից առավել հաջող մեկնարկել է Վլադիմիր Հակոբյանը, որը կորցրել է ընդամենը կես միավոր եւ մրցաշարային աղյուսակում զբաղեցնում է 6-րդ հորիզոնականը: Զավեն Անդրիասյանը եւ Վահե Բաղդասարյանը 3,0-ական միավորով ընթանում են, համապատասխանաբար, 34-րդ եւ 53-րդ հորիզոնականներում: Առաջին հարյուրյակում է նաեւ Ռոբերտ Հովհաննիսյանը: Նա ունի 2,5 միավոր եւ 71-րդն է:
Աշոտ ՀԱԿՈԲՅԱՆ
