Սպառնալիքները, վատ վերաբերմունքը, անօրինական ձերբակալությունները, սարքովի մեղադրանքները և անարդար դատավարությունները հոկտեմբերի 9-ի նախագահական ընտրություններին ընդառաջ Ադրբեջանի իշխանությունների ճնշումների մի մասն են կազմում, ասված է «Ամնեսթի ինթերնեյշնըլ» (Amnesty International) միջազգային իրավապաշտպան կազմակերպության հայտարարությունում: Գրում է «Կոնտակտ» լրատվականը:
«Գրեթե ամեն օր քաղաքացիական հասարակության ակտիվիստները ձերբակալվում են և նրանց նկատմամբ մեղադրանքներ են ներկայացնում: Այդ այնքան հաճախ է լինում, որ նույնիսկ դժվար է իրավիճակի ծանրությունը գնահատելը», – հայտնել է Եվրոպայում և Ասիայում «Ամնեսթի ինթերնեյշնըլ»-ի ղեկավար Ջոն Դալուսենը:
«Մենք արդեն 14 հոգու ճանաչել ենք «խղճի բանտարկյալ», նրանք գտնվում են ճաղերի հետևում միայն նրա համար, որ ազատ արտահայտել են իրենց կարծիքն ու մասնակցել են բողոքի խաղաղ ցույցերին», – ասված է հայտարարության մեջ:
«Ամնեսթի ինթերնեյշնըլ»-ը կոչ է արել առանց նախապայմանների անհապաղ ազատ արձակել բոլոր քաղբանտարկյալներին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
