Amerikayidzayn.com․ Շվեդիայի գիտությունների թագավորական ակադեմիայի Նոբելյան հանձնաժողովը որպես ֆիզիկայի ոլորտում Նոբելյան մրցանակի դափնեկիրներ է հայտարարել Ֆրանսուա Էնգլերտի և Փոիթեր Հիգսի անունները։
Մեծ Բրիտանիայից ֆիզիկոս Պիտեր Հիգսն ու բելգիացի իր գործընկեր Ֆրանսուա Էնգլերը 2013 թվականի Նոբելյան մրցանակակիր են դարձել «ենթաատոմային մասնիկների զանգվածի առաջացումը հասկանալու մեխանիզմի տեսական հայտնագործության համար»:
Երկու գիտնականները հայտնի են «Հիգսի բոզոնի» կամ «Աստծո մասնիկի» հայտնագործության համար, քանի որ այս հայտնագործությունը հիմնավորում է մասնիկների ֆիզիկայի հիմնարար հասկացությունը՝ այսպես կոչված «Հիգսի դաշտը», որն իր հերթին հիմնավորում է ատոմների գոյությունը:
Ֆիզիկայի ոլորտում Նոբելյան մրցանակակիրների անունների հայտարարությունը երեքշաբթի օրը հետաձգվել է մեկ ժամով, ինչին սակայն որևէ բացատրություն չի տրվել:
Կարդացեք նաև
Ֆրանուսա Էնգլերտը Բրյուսելի ազատ համալսարանի, իսկ Փիթեր Հիգսը՝ Էդինբուրգի համալսարանի պատվավոր դասախոսներ են: Գիտնականներն իրարից անկախ առաջ էին քաշել ենթաատոմային մասնիկների զանգվածի առաջացումը հասկանալու մեխանիզմի տեսությունը, որն ավելի ուշ՝ 2012 թվականին, հաստատվեց՝ «Աստծո մասնիկի» հայտնագործությամբ:
Մանրամասները կարող եք կարդալ՝ amerikayidzayn.com կայքում
