Թուրքերը չեն հավատում, որ իրենց երկիրը երբևէ կմտնի Եվրոմիության կազմի մեջ, ցույց է տվել վերջերս կատարված հարցումը: Հայտնում է «Հյուրիեթ» թերթը:
Ըստ Կրթական և գիտական հետազոտությունների թուրք-գերմանական հիմնադրամի, Թուրքիայի բնակչության 74%-ը չի հավատում, որ իրենք կդառնան ԵՄ անդամ:
Մարդկանց քանակը, որոնք ասում էին «Թուրքիան կդառնա ԵՄ անդամ» 2012թ. մեկ տարվա ընթացքում մեծ անկում էր ապրել՝ 34,8%-ից՝ նվազելով 17%-ի:
Այս տարի այդ մարդիկ կազմում եմ բնակչության 19%-ը, սակայն այն մնում է անհամեմատ ցածր 2004թ. համեմատ, երբ Թուրքիայի ԵՄ անդամակցելու բանակցություններ նոր էին սկսվել:
Կարդացեք նաև
ԵՄ-ին անդամակցելու հավատի կորստի հիմնական պատճառը Թուրքիայի աճող տնտեսությունն է: Հետազոտությանը մասնակցածների մոտ երկու երրորդը «ոչ» էին ասում, երբ նրանց հարցնում էին՝ արդյո՞ք Թուրքիան տնտեսապես ունի ԵՄ-ի կարիքը:
Բացի տնտեսական գործոնից, թուրքերը նաև անվստահություն են հայտնել ԵՄ առաջնորդների վերաբերյալ, որտեղ ամենաշատ կասկածամտությունը Գերմանիայի Կանցլեր Անգելա Մերկելի նկատմամբ է:
Հարցվածների 64%-ը Թուրքիայի ԵՄ անդամակցելուն խոչընդոտ է համարում Գերմանիային, շուրջ 25%-ը՝ Ֆրանսիային, նրանց հաջորդում են Կիպրոսն ու Հունաստանը՝ կազմելով 5 և 4% համապատասխանաբար:
Հարցումն անցկացվել է Ստամբուլում, Անկարայում, Իզմիրում, Դիարբեքիրում, Կեսարիայում և Արդվինում, օգոստոսի 20-ից սեպտեմբերի 2-ը, 1210 հոգու միջև:
Պատրաստեց Հովհաննես ԻՇԽԱՆՅԱՆԸ
