Սեպտեմբերի 27-ին Վրաստանի Թեքալի գյուղում կայացած հասարակական լսումներից հետո «Կովկասկի ուզել» լրատվական կայքի լրագրող, ազգությամբ աբխազ Բեսլան Կմուզովը զեկուցումով հանդես եկած Ադրբեջանի կանաչների կուսակցության նախագահ Մայիս Գյուլալիեւին հարցրեց, թե ինչու՞ պետք է Վրաստանը մտնի Եվրասիական միության եւ մաքսային միության մեջ, եթե դա ինքնաբերաբար հանգեցնելու է մաքսային տուրքերի եւ հարկային հավաքագրումների ավելացմանը: Մ. Գյուլալիեւն ասաց՝ ընդհակառակը: Հարցը լրագրողը հնչեցրեց բավական կոշտ ձեւակերպմամբ, օգտագործելով «на какого хрена» արտահայտությունը:
Գյուլալիեւը պատասխանեց.
-На какого хрена» դուք (Վրաստանը, ծանոթ. Ո. Ս.) ուզում եք Ադրբեջանի հետ միություն կազմել:
Կարդացեք նաև
Կմուզովն ասաց.
-Չենք ուզում,մենք ձեզնից նավթ ենք գնում:
-Դուք չեք գնում, դուք ձրի եք ստանում,-ասաց Գյուլալիեւը:
-Ասացեք գինը,-պահանջեց Կմուզովը:
-130-140 դոլար 1000 քառակուսի մետրի համար(հավանաբար նկատի ուներ խորանարդ մետրը, ծանոթ. Ո.Ս.),-հայտնեց Գյուլալիեւը:
Բեսլան Կմուզովը բորբոքված հայտարարեց, որ ադրբեջանական ընկերությունները Վրաստանի տարածքում արտոնյալ պայմաններում են գործում:
Ոսկան ՍԱՐԳՍՅԱՆ
